Author Archive for



06
Ago
08

Touradas e machismo: “os touros nervosos som como as mulheres”

Esta segunda-feira dia 4 de agosto ficamos sem palavras quando liamos no jornal O Faro de Vigo a entrevista ao toureiro Miguel Jesús “El Cid”, cujo cabeçalho era: “Penso que os touros nervosos som como as mulheres”.

Dado o seu “interesse” reproduzimos literalmente umha parte:

Jornalista:- Por que se lhe dam tam bem os touros nervosos?
”El Cid”: – Os touros nervosos nom, os touros nervosos nom se me dam bem por muito que digam, o que acontece é que domino aos que se deixam dominar, porque digo-lhe umha cousa: Penso que os touros nervosos som como as mulheres, a que se deixa deixa-se e a que nom se deixa creio que comete um erro.

O certo é que já Sam Agustim, há uns quantos séculos, dizia que “a mulher é umha besta que nom é sólida nem estável” pois bem, ainda hoje “El Cid”, fazendo honra ao seu medieval nomem, passa de toureiro a nostálgico intelectual-ideólogo do patriarcado para deleitarnos com esta pérola.

Comparar a umha mulher com um touro para logo afirmar que se nom se deixa dominar comete um erro nom é outra cousa que apologia do terrorismo machista, e mais, se o contexto no que está enquadrado som as touradas.

O paralelismo dominador/toureiro/homem – dominad@/touro/mulher é a esência do patriarcado, a animalizaçom da mulher reduzida a umha categoria subumana sem capacidade de raciocínio ou livre eleiçom; a palavra de ordem que avisa que o dominador fará uso da força até a sua última conseqüência.

Som declaraçons como esta as que desencaroutam a verdadeira realidade do que os taurinos gostam chamar “arte” da tauromáquia. É dizer, esse caixom de sastre reaccionário e asfixiante onde atopam acubilho os sectores mais involucionistas da sociedade. Lugar onde se concentram macabros que desfrutam com o a tortura animal junto com firmes defensores e perpetuadores do patriarcado, do espanholismo e do fascismo.

Nom é por acaso que no nosso manifesto assinalemos as touradas como umha “festa” machista. A continua exaltaçom por parte das instituiçons, meios… da figura destes toureiros só contribue ao enaltecemento social de qualquer acçom que sirva para glorificar o rol masculino (por repulsiva que esta resulte). Deixar-se levar polo discurso de que a mulher também atopa espaço no tauromáquia com a figura das toureiras, é um erro. De igual jeito que o feminismo revolucionário nom defende que a incorporaçom da mulher nos exércitos regulares seja um avanço na nossa libertaçom, se nom mais bem o contrário, igual acontece com as touradas. É obvio que nom podemos cimentar a conquista das nossas liberdades sobre a tortura animal, e mais se está enfundado dos clássicos valores tradicionais como: a defesa da família típico entre estes seitores ou o uso e regozijo da violência para oprimir.

Polo tanto, a Plataforma Antitaurina de Ponte Vedra quer manifestar que a luita antitouradas é, também, umha luita feminista.

Anúncios
04
Ago
08

Acto na rúa contra a propaganda taurina

A Plataforma Pontevedra Antitaurina organizou a pasada sexta un acto simbólico para animar á viciñanza a participar nas I Xornadas Antitouradas Galegas, así como da mobilización do 9 de agosto.

Un grupo de activistas desplegou unha faixa na entradado casco vello da cidade, á vez que se repartían ducias de trípticos informativos entre as viandantes, que amosaron unha grande receptividade, satisfeitas de comprobar que medra a oposición organizada ao rito anual da barbarie. Moitas persoas solicitaban tamén autocolantes ou achegábanse para transmitir persoalmente o seu respaldo á Plataforma, con expresións como “xa era hora de que xurdira isto”.

Ademais, boicotamos publicamente e á luz do día un dos cartazes anunciadores da Festa que asolagan esta cidade desde mediados de xullo, para espertar a indignación de moitas persoas veciñas da cidade e mesmo visitantes. Con total impunidade, as empresas involucradas neste espectáculo cruento fan apoloxía da matanza de touros, o seu negocio particular, nuns paneis que ocupan maior espazo público que calquera outro reclamo publicitario convencional. A pesar de ocupar as nosas rúas, os paneis só poden acoller publicidade pro-tortura animal, e a semana pasada un grupo de xoves era identificado –e previsiblemente sancionado- por exercer a liberdade de expresión neste espazo.

Aproveitamos a ocasión para dirixirnos aos meios de comunicación, nos que habitualmente só se recoñece a visión dos que se lucran coas touradas, para transmitir as que son as conviccións maioritarías do pobo galego, inimigo dunha tradición que tortura aos animais, allea á nosa cultura e asociada aos valores máis reaccionarios. Aínda que pouco a pouco, o discurso antitaurino vai atopando tamén aquí o seu oco, se ben nun espazo moito menor do que xa ten na rúa.

De Pontevedra Antitaurina mantemos abertas todas as frontes de traballo da campaña: coa recollida de sinaturas para que o Concello declare a cidade antitaurina; coa distribución de propaganda informativa, cartaces, dípticos e colantes por toda a cidade; coa celebración de eventos lúdicos alternativos coma o que celebremos hoxe; en definitiva, coa mobilización dunha viciñanza que berra xa abonda!

31
Jul
08

I Jornadas Antitouradas Galegas

Mais info em actividades.

29
Jul
08

De novo represión policial ao movemento antitaurino de Pontevedra


Unha vez mais, e tal e como aconteceu o ano pasado, a policía desprega os seus efectivos para facer valer os intereses empresariais dos donos do “recinto de tortura animal” de Pontevedra. Se hai un ano era a policía española a que retía e identificaba a plena luz do día a xóvenes antitaurinos que ían de colada, agora é a propria policía municipal a que actúa contra calquera oposición organizada contra as festas taurinas , exercendo, de facto, como axentes de seguridade privada ás ordes dos irmáns Lozano.

Non é a primeira vez que os cartaces das touradas son arrincados, tapados ou cubertos de pintura polos sectores sociais mais conscientes da nosa cidade. Do mesmo xeito, tampouco é a primeira vez que xóvenes antitaurin@s son vítimas de identificacións arbitrarias e asedio policial constante.

Ambos os dous feitos déronse na noite do venres para o sábado 19, cando unha vintena de paneis taurinos de toda a cidade foron boicotados con pintura preta, a maioria deles coa lenda “STOP touradas”. A mesma noite, un grupo de persoas, na sua maioria moz@s, foron retidos por meia hora, cacheados e identificad@s por un desproporcionado despregue da policía municipal, durante o cal o carro dun deles foi rexistrado e tod@s eles/as denunciad@s, acusad@s, supomos, de pintar de preto cartaces taurinos.

Non se entende tanta protección e cío para defender os panéis da empresa dos irmáns Lozano, que ocupan un espazo público que nos pertence a tod@s, e que publicitan unhas festas rexeitadas por amplos sectores sociais.

Como denunciamos con anterioridade, nestes días colocáranse masivamente cartaces taurinos de grandes dimensións, atados a mobiliario urbano, o que de facto supón unha invasión do espazo público , agravado na promoción dun atavismo execrábel. Por tanto, a plataforma Pontevedra Antitaurina vindica:

– A proibición de colocar propaganda que chame ao maltrato animal nas rúas da cidade, un incumprimento do Concelho da abondante lexislación nesta materia.

– A fin do asedio policial ao movimento antitaurino, con identificacións, retencións ilegais e boicotes continuados, exixindo a toma de medidas por parte das institucións públicas para evitar estes abusos.

De Pontevedra Antitaurina continuaremos a realizar actividades co obxectivo final da desaparición das touradas, e seguiremos a denunciar feitos como este. Para rematar, animamos aos sectores mais comprometidos coa erradicación da barbárie taurina a demostrar a súa oposición a esta cruel tradición do mesmo modo que @s xóvenes acosad@s pola policía.

Non deixes que a propaganda taurina invada a nosa cidade! STOP TOURADAS.

22
Jul
08

Vídeos da campanha de Pontevedra Antitaurina

Pontevedra Antitaurina apresenta dous vídeos  para acompanhar a nossa campanha antitaurina.

[blip.tv ?posts_id=1109285&dest=-1]

Link ao original

Copia e cola para incluír no teu blogue: wordpress outros blogues outra opçom

[blip.tv ?posts_id=1109183&dest=-1]

Youtube: http://br.youtube.com/watch?v=brXj7MfPmvY

Link ao original

Copia e cola para incluír no teu blogue: wordpress outros blogues outra opçom

Para maior qualidade, accedei a gzvideos.info

19
Jul
08

Iniciamos campanha de assinaturas contra as touradas

Como já adiantamos em notícias prévias, Ponte Vedra Antitaurina começa com força a nova actividade antitaurina ante a proximidade, por desgraça, da nova temporada de “corridas”, quer dizer, de assassinatos de touros à espanhola.

Visto que as instituiçons apoiam a celebraçom de tam instructivas “festas”, temos que ser os sectores sociais contrários às touradas @s que nos autoorganicemos e fagamos ver o que os inquéritos amosam teimudamente; na Galiza a grande maioria da populaçom está em contra desta atrocidade.

Por isso, e para ir quentando motores para a mobilizaçom que convocamos este ano, o Sábado passado levamos a cabo a primeira recolhida pública de assinaturas na Praça da Peregrina, em contra da celebraçom de touradas em Ponte Vedra, actividade que repetiremos nas vindouras semanas e que tivo umha mui boa aceitaçom nesta primeira ocasiom, atingindo em menos de duas horas mais dum cento de apoios. Convidamos-vos a tod@s a assinar em contra das touradas e a participar nas actividades da Plataforma. Porque organizando-nos, luitando e ajuntando a força que só os colectivos podem atingir, as touradas passarám a ser umha triste lembrança do passado da nossa cidade e em toda Galiza.

15
Jul
08

O concello de Pontevedra promociona as touradas para as festas locais

Desde a Plataforma Pontevedra Antitaurina queremos denunciar publicamente a promoción que a Cámara Municipal está a facer do masacre taurino cos cartos de todos os contribuíntes.  Na apresentación das “Festas do Verán” que fixo o pasado 10 de Xullo apresentouse un programa de festas onde conviven campamentos xuvenís e concertos de Jazz coas touradas,  o que nos leva a criticar a colaboración do concello coa empresa responsábel da celebración das touradas dando cobertura publicitaria.

A información da que dipoñíamos até o momento é a de que o Concello interrompera o financiamento e axudas públicas ás touradas respeito a executivos anteriores, que de facto mercaban grandes cantidades de entradas para repartir á cidadanía. O cese de axudas directas supuxera a mobilización de peñas taurinas, que acusaran ao goberno municipal de “boicote” e mesmo seguen a día de hoxe a cuestionar a imposibilidade de colocar barras nas rúas e outras limitacións de horario que non se dan durante a Feira Franca e sí durante “peñas”. Desde entón, é a Deputación Provincial quen dá cobertura institucional ás touradas, de forma directa ou indirecta, como as axudas á coordinadora de peñas taurinas, sufragamento de viaxes, financiamento de chiringuitos e bandas musicais e incluso os coxíns para os asistentes ao masacre taurino. Neste sentido, esiximos que nas próximas convocatorias de axudas da Deputación se inclúa un epígrafe específico para impedir a consecución destas por parte de colectivos que propugnen o maltrato animal. No entanto, o goberno municipal, que se limita a arrendar a praza varias veces por ano para concertos e actos culturais é necesário que tamén interrompa esta vía de colaboración, xa que temos suficientes espazos para a realizacion de concertos e actividades culturais na nosa cidade.

Dunha cámara municipal gobernada varias lexislaturas por unha organización política nacionalista, e incluso con maior presenza que na actual, Continue a ler ‘O concello de Pontevedra promociona as touradas para as festas locais’




Coordenadora Antitouradas de Ponte Vedra

A Coordenadora Antitouradas de Ponte Vedra ten como principal obxectivo a erradicación das touradas na cidade de Pontevedra, entendéndas como unha pseudo-tradición atávica e cruel que pretende o divertimento a partir do sufrimento, martírio e mutilación dun bóvido herbívoro como é o touro.
Froito das dinámicas unitarias vimos convocando xunto a outros colectivos da cidade as manifestacións e actos antitouradas que teñen lugar todos os anos en Pontevedra coincidindo coas touradas.
ÚNETE A NÓS SE TAMÉN QUERES REMATAR CON ESTA VERGOÑA info@pontevedraantitouradas.org

Categorías

Fotos da barbárie

Comparte e distribúe

Creative Commons License
Os contidos de "Pontevedra Antitaurina" están baixo unha licenza Recoñecemento-Non comercial-Compartir baixo a mesma licenza. 2.5 de Creative Commons.

Estatística

  • 30,328 visitas